|
في قهوه ما في مكان بالجمهوريه كانوا قاعدين
ابطال تنتوشتنا الجديده.
اه ابطال لانه مش تنتوش واحد دول تلاته .
من غير معرفهم لانكم اكيد عارفينهم لانهم زي
كل مصري . ممكن يكونوا تلاته شباب او في
الاربعين او في ربيع العمر . مش مهم السن
المهم انهم مصريين.
قبل ما ابدأ تنتوشتنا لازم نسميهم الاول علشان
كده اقترحت اني احط ارقام 1,2,3 علشان نفرق
بينهم
نبتدي التنتوشه
تنتوش1:" ياااااه يا جدعان " قالها و هو
مستغرب جدا و بيهذ الجرنال اللي في ايده بغيظ
و حقد.
تنتوش2:"ايه يا عمنا في ايه ؟"
تنتوش1:" الواحد خايف علي نفسه . يا عم مره
تحرشات وسط البلد و بعدها هوجه المليشيات و
اخرها سفاح المعادي "
تنتوش3:"سفاح مين يا باشا . السفاح واحد ماشي
بيقتل في خلق الله . و لكن بتاع المعادي ده
حاجه كده عملاها الحكومه علشان تبعدنا عن اللي
بيعملوه"
تنتوش2:" اسكت . انت علي طول كده . يا عم انا
موافق انه مش يفاح بس هو موجود مش حركات حكومه
تنتوش1:" هو احنا حنقعد نقول سفاح ولا لا .
الحكومه عامله منه حوار ولا لا . المهم انه
موجود"
تنتوش3:" مش موجود"
تنتوش2:" يا عمنا اسكت انت مش وقتك"
تنتوش3:" برضه مافيش حاجه اسمها سفاح المعادي
"
تنتوش1:" هو احنا حنختلف تاني يا جدعان نعرف
الاول اساسا بقي في سفاح و ايه السبب"
تنتوش2 :" برضه سفاح"
تنتوش1:" يعني احنا نستني انه يموت في الناس
علشان تقول عليه سفاح المهم في واحد ماشي
بيجرح في بنات الناس "
تنتوش3:" مافيش حاجه اسمها سفاح"
تنتوش2:" نقطنا بسكاتك انت بس . قولي بقي يا 1
انت ايه رايك ايه السبب في اللي بيحصل؟"
تنتوش1:" اكيد الغياب الامني "
تنتوش2:" غياب امني !! يعني ايه ؟ يعني مافيش
امن ؟ امال اللي في الشوارع دول مين ؟!!"
تنتوش1:" يا 2 اللي في الشارع دول واقفين
علشان حزب او جمعيه او قدام جامعه علشان
الجماعات السياسيه المعارضه . و لكن في
الاماكن البعيده مافيش حد "
تنتوش2:"ممكن بس في سبب تاني "
تنتوش1:" هو ايه ؟"
تنتوش2:" التفكك الاسري . و غياب الوعي الديني
. و الاعلام"
تنتوش3:" بلا امن بلا اعلام يا بشوات مافيش
سفاح ده حوار"
تنتوش1:" استني بس انت يا 3 . ماله الاعلام يا
2؟"
تنتوش2:" الكليبات اللي مليانه بنات عريانه و
الافلام اللي كلها مناظر فاضحه "
تنتوش1:"برضه كل ده لو في امن مكانش حاجه حصلت
"
تنتوش2:" لا البيت السبب"
تنتوش1:" يا عم الشارع بعيد عم البيت . الشارع
مهمه الامن والامن دلوقتي امن سياسي بس"
تنتوش2:" لا البيت و الغياب الديني "
تنتوش3:"الحكومه عامله حوار"
تنتوش1:" الامن" تنتوش 2:"البيت و
الدين " تنتوش 3:" مافييييييييييش
سفاح"
الصوت ابتدي يعلي و الوشوش احمرت من الغيظ و
.........................................
عادي جدا كل واحد دفع حسابه و علي بيته طبعا
محددوش ولا حل ولا سبب للي بيحصل
((عاده الشعب المصري صوت عالي فعل مافيش))
|
