|
المشهد الأول:
سنة 1980
-
الحمد لله ادي احنا نجحنا في الأبتدائيه وهندخل
الاعداديه (أميري) - الحمد لله
الواحد كان خايف ليجيب مجموع ضعيف ويدخل الاعدادي خاص
زي الخايب حسين.
- ياه
هو حسين هيدخل المدرسه خاص ؟
- طبعا ! هو
كان بيذاكر ! . علشان كده جاب
مجموع ضعيف ومعرفش يدخل المدرسه حكومي .
المشهد التاني : برضه
سنة 1980
-
حمد الله
على السلامه .
-
الله
يسلمك .
-
انا لما
عرفت انك عملت العمليه جيت ازورك علطول.
-
الحمد
لله المستشفى الحكومي عملت كل الحاجات اللي كنت
محتجلها ؛ عملت العمليه وقضيت
اسبوع عنايه طبيه وتمريض لخد اما الحمد لله قربت اخف.
المشهد التالت سنة
2008
-
البنت
كبرت عاوزين ندخلها المدرسه.
-
لازم
ندخلها مدرسه خاصه.
-
بس دي
محتاجه فلوس كتير انا بقول ندخلها مدرسه حكومي ؟
-
انت
اتجننت هي مدارس الحكومه بتعلم حاجه اليومين دول.؟
-
ما احنا
اتعلمنا فيها!
-
احنا زمن
وهما زمن تاني دلوقتي مينفعش!.
المشهدالرابع برضه سنة
2008
-
لما
اتنقلت للمستشفى الحكومي؛ كنت محتاج اعمل عمليه قعدو
يمطوحوني من هنا لهنا وبعدين قالولي هات قرار للعلاج
على نفقه الدوله؛ ودخلت في متاهات ولف عالمكاتب
والمحصله صفر .(وبعد كده جه دكتور ابن حلال وقال زي
بعضه نعملها له وبعد ما خرجت اكتشفت ان كليتي اليمين
مش موجودة عالعموم كتر خيرهم سابوا لي الكلية التانية)
***************************
طب
السؤال دلوقت احنا بنسمع كلمة (الضرايب مصلحتك اولا)
ولما جه الاسلام لغى كلمه الضرايب واستبدلت بمفهوم
زكاة المال لما تبقى الخدمات المقدمه من الحكومه
بالشكل السابق ذكره يبقى الضرايب اللي هيا من الاساس (
مصلحتك اولا ) بتروح فين ؟ لما
رغيف العيش عليه الناس بالضرب( وساعات القتل كمان)؛
ومفيش مواصلات عامه؛ أركب المكروباص( وما ادراك ما
الميكروباص) او لو كنت غني شويه اركب تاكسي؛
والمستشفيات مبتقدمش اي علاج ! امال الضرايب الي هيا(
مصلحتك اولا) بتروح فين لما
الدنيا كلها مولعه اسعار وجنون الأسعار وصل لحد اما
الناس اتخنقت. هيا الناس بتدفع ضرايب علشان الدنيا
تزداد سوء ولا ايه ؟
*في سؤال مهم بيفرض نفسه الضرايب مصلحتك اولا دي
لمين!!!!!!!
مدحت محمد اسماعيل
|
