لاتقولي اه ولا تقولي ايه كيلو المكرونه ب 4 جنيه

 

لما كنت أمر بضائقة مالية ؛ وكان دائما بيبقى فاضل على اخر الشهر ايام ؛وكانت دايما الفلوس خلصانة ؛ فدائما كنت الجاء الى (الأكلة الملجأ ) ؛ وهي المكرونة ؛ الكلام ده ايام ما كان الكيلو منها ب جنية ونص ؛ وكيلو الطماطم ب نص جنيه ؛ فبهذه الطريقة اصبحت المكرونة الأكلة الخلاص من يوم من ايام الشهر وبأقل الاسعار؛ والأن وقبل ان نسترسل لابد ان نعلم ان زيادة الأسعار في حميع الدول زيادة مقننه ومعقولة ؛انما في مصر فهي زيادة عشوائية وغبية ؛ فمن يصدق ان طعام الفقراء في مصر اصبح يصرخ منة الأغنياء.

عندما تستعرض قائمة الأسعار تشعر بالرعب من الزيادة الرهيبه في الاسعار؛ فكل السلع الضرورية للمواطن زادت بنسبة 300% وهذة الزيادة الغير معقولة ايضا غير موجهه ؛ اما الأكلة الخلاص فأصبحت ب 4 جنية وفي اماكن اخرى ب 4.5 اذا هذة السلعة المهمه لفقراء المصريين زادت بحوالي 200 % ؛ والجزء الأخر من الأكلة وهي (المجنونة يا قوطة ) اصبحت ب 2.5 – 3 جنية فمن اجل اطعام اسرة من هذه المكرونه لابد وان تتكلف 7 جنية في وجبة واحدة ؛ وهذا مبلغ مكلف جدا اذا عرفنا ان متوسط دخل الاسرة لايزيد عن 300 جنية شهريا .

وهذا الارتفاع في الاسعار منذ شهرين ؛ فالحكومة المصرية الرشيدة تعيش بمبدأ ؛ (الكلاب تعوي والقافلة تسير) .

ولاتقولي اه ولا تقولي ايه كيلو المكرونه ب 4 جنيه .