|
1. جيفارا مات ..
اخر خبر فى الراديوهات هأقول لكم
مفاجئة "جيفارا مات" والمسرح الأن لا يحتمل
الممثل الفرد الثائر الرومانسى الحالم الذى
يحاول ان يصلح الكون ويحارب الطغيان
والاستبداد فى اى مكان بمفرده .. لن يستطيع
ولن يقبله العالم .. يعنى الدنيا بتتغير
والثابت إن (جيفارا مات)
2. الوداع يا جمال ..
عبد الناصر كان بيحلم بمصر رافعة
راسها ووطن عربى موحد ورغم كل الكلام والتنطيط
الى بيقولوه وبيتنططوه كان المواطن المصرى له
كرامه .. (حتى لو زعل منى رئيس التحرير ومدير
التحرير) ورغم كل السلبيات اللى كانت فى عصر
عبد الناصر فهو كان ازهى واحسن عصر مر على مصر
فى التاريخ الحديث –واحد صاحبى قالى من كام
يوم تعرف انا كنت اتمنى اعيش فى المعتقل ايام
عبد الناصر ولا انى اعيش بالمنظر ده فى (عصر
مبارك) طبعاً كلنا عارفين (المنظر ده) يعنى
ايه لأن كلنا شاربين المنظر ده .. ومتهيألنا
اننا عايشين .
وفى النهاية عبد الناصر (طق ، مات
بحسرته ، راح وساب لامثالنا الحسرة والقطاع
العام يبيعوا فيه زى ما هما عاوزين (الوداع يا
جمال)
3. صدام .. اعدام ..
ماسكا عودى واغنى لبلادى العربية
واستفزتنى وقالت اين هو عصر الأغانى الوطنية
؟! اعدام اول ايام عيد الآضحى ، صدام "مجرم"
.. صدام "طاغية" .. صدام .. "شهيد" .. صدام
"رمز الكرامة" .. صدام سبب ما نحن فيه كوطن
عربى من انقسامات وتناحرات ..
صدام .. صدام .. صدام ، والعراق ممزق
حروب –وليست حربا- اهلية ، عملاء خونه ، 12
ألف شهيد ، يتامى وآرامل .. دماء وبارود ..
والقتل هو اسم اللعبة .
4. يا عباس ويا هنية .. انا
قاعدة مستنية !
لصالح اسرائيل بالطبع موّتوا بعض ..
أهم حاجة الكرسى "رئاسة السلطة الفلسطينية"
لكن فلسطين فين ؟ مش مهم خلّصوا على بعض علشان
اسرائيل تضم باقى الارض الفلسطينية من غير وجع
دماغ ومتلاقيش حد يقف لها .. هى قاعدة
مستنياكم وعلى فكرة مستمتعة تماما بالمشاهدة
وفطسانه من الضحك يا شباب (عباس + هنية) جوا
اهيد .. ربنا يوفقكم .
امضى إن شئت وحيداً
لا تسل : أين الرجال
كل اصحابك رهن الاعتقال
فالذى نام بمأواك اجير متأمر
ورفيق الدرب جاسوس .. عميل للدوائر
وابن من نامت على خمر الرمال
فى سبيل الله ..
كــــافــــر
5. (اولمرت) راجل طيب ..
(طيب)!!!
فى حديثه لجريدة "يديعوت احرونوت" قال
مبارك "ان اولمرت طيب .. واذا قلت ان اولمرت
رجل طيب فأنا أعنى ذلك"
وفى نفس الوقت كانت قوات اولمرت تجتاح
رام الله
لمن يشكو مآسينا ؟
ومن يصغى لشكوانا
ويجدينا ؟
اتشكو موتنا ذلا لوالينا ؟
فوالينا –أدام الله والينا-
رآنا أمة وسطا
فما أبقى لنا دينا .. ولا أبقى لنا
دينا
6. من حقها !! ..
تصريح الرئيس الصومالى –اللى ماعرفش
اسمه ومش عاوز اعرفه- بعد الغارة الامريكية
على قرية جنوب الصومال – اللى هى بلده – يقول
فيه :
من حق الولايات الامريكية أن تضرب
الارهاب فى أى مكان فى العالم .
يا مولانا ابراهيم
اغمد سكينك للمقبض
واقبض أجرك من اصحاب الفيل
لا تأخذك الرأفة فيه
بدين البيت الابيض
نفذ رؤياك ولا تجنح للتأويل
لن ينزل كبش .. لا تأمل بالتبديل
يا مولانا
إن لم تذبح نذبحك
فهذا زمن أخر
يفدى فيه الكبش
يا إسماعيل !!
إلى ابنى (اللى مش عارف هشوفه ولا لأ)
إن لم تكن رأساً (تشنق) .. لا تكن
مؤخرة ... ، فصدقنى الشنق أهون بكثير ..
|
