قرب
...جرب... قرب ....هنا مش
بنهـــــــــــــــــــــــــــــــــرج!
دي الدنيا بقت سيرك واللي ما يشتري
يتفــــــــــــــــــــــــــــــــــرج.
والدنــيا دي فيها كام بلياتشو..
الزمن لاطشه ( افا) حرقه بجـــاز!
الزمن وعدو ام صدق هاتشه واهي ضربت
شقلبـــــــــــــــــــــــــــــــــاظ.!
انا بأكرة البلياتشو ... بكرهة وبخاف
منة كمان . وانا صغير كنت مبحبش اتفرج
علية ومكنش بيبصطني ولا كنت بضحك علية
بل بالعكس تماما .
اية رايكم بقا اني بقيت بشوف كل اللي
ماشين في الشارع في هذة الهيئة
المرعبة بالنسبه لي بلياتشوهات ...بلياتشوهات
... في الشغل ... في الشارع ... في
البيت ... البلد كلها بقت بلياتشوهات
.
حتى انا ...... بقيت بلياتشو .
!!!!!!!!!!!!!!!
مع الاسف هيا دي الحقيقة ؛ الواحد لما
يبقا مطالب يشتغل شغل هو مبيحبوش ومش
قابلة ومش فاهمة ومش فاهم ايه لازمتة
! يبقى ايه ؟!!!!
واخر الشهر يقبض مرتب ميكفيهوش أكل بس
! ولو عيي تبقا كارثة أو فاجعة ؛ يبقى
اية ؟
لما تبقا في شغل ؛ مديرك فيه أقل منك
في المستوى التعليمي والثقافي وتبقى
مطالب تقدم له فروض الولاء والطاعة
عشان ممكن يديلك ( الزئ ) وتلاقي نفسك
مطالب انك تدور على شغل جديد وفي نفس
الوقت عندك التزامات مطالب انك تقديها
وتبقا قدها ..........تبقى ايه ؟
لما الحكومة تعملك اعلان موجه تقولك
في يا شاب يا متعلم انت ملكش لازمة !
وقوم الحق القطـــــــر ( قطر
البلياتشوهات ) ؛ قوم اشتغل في اي
حاجة احسن من قعدتك دي ؛ ولما تقولهم
انا متعلم وعندي طموحات بل وابسط
حقوقي ان انا اشتغل في حاجة ليها
علاقة باللي اتعلمتة ؛ يكون الرد عليك
هو انت هتتفلسف كفايه قوي عليك انك
عايش !!!!وطبعا انت مالكش حيلة ولا
تقدر ترد ..... تبقى اية ؟
علشان تشتري رغيف عيش من ابو شلن لازم
تستعد استعدادات حربيه ؛ أو لو عاوز
تريح دماغك ممكن تشتري عيش المسمى (
السياحي ) وانت في بلدك ومانتاش سايح
ولا حاجة ..... تبقا ايه ؟
ولما تحب تقضي مصلحة في أي مصلحة كانت
حكومية أو غير حكومية لازم وحتما
ولابد انك تدفع رشوة ( لبيلياتشو )
زيك برضة بتنطبق علية كل المواصفات
اللي قلنا عليها قبل كده .... تبقى
اية ؟
لما الناس تطلع وتقولك 6 ابريل يوم
اضراب وكلنا مضربين علشان حقنا يرجع
لينا ؛ وسعادتك تعمل ( فرخة ) وتلتزم
بالشغل في اليوم دة- ومن الممكن انك
تكون من الناس اللي بتغيب قبل كدة بس
في اليوم دة لازم تلتزم بالشغل وتروح
- علشان تثبت انك مش معاهم انت مع
الناس التنين ؛ وتقول- بالفعل- يا
جماعة انا جبان وكلب وماشي جمب الحيط
ومليش في التيته والحوارات دي مع انها
في مصلحتك ! .... تبقى ايه ؟؟؟؟؟
قرب ...جرب... قرب ....هنا مش
بنهـــــــــــــــــــــــــــــــــرج!
دي الدنيا بقت سيرك واللي ما يشتري
يتفــــــــــــــــــــــــــــــــــرج.
والدنــيا دي فيها كام بلياتشو..
الزمن لاطشه ( افا) حرقه بجـــاز!
الزمن وعدو ام صدق هاتشه واهي ضربت
شقلبـــــــــــــــــــــــــــــــــاظ.!
ودي هيا اغنية المرحلة ولا يضاهيها في
المكانة الا الاغنية الشعبية العبقرية
؛ اللي مش عارف مين اللي بيغنيها ؛ بس
قرفانا دايما في ال d j's في الافراح
واللي بتقول الدنيا خربانة ياعم
خربانة ، وبحقيقي هيا دي اغنية
المرحلة ومعرفش ازاي الرقابة وافقت
عليها !
مجدي اسماعيل
28/4/ 2008
|
