|
هالني تصريح السيد جمال مبارك رئيس
جموهريه مصر العربيه ( القادم ) و كادت ان تفر
الدمعه من عيني , و انا استمع لتصريحه في ختام
المؤتمر السنوي للحزب الوطني الديموقراطي ..
حيث قال
" ان مصر سوف تدخل و بقوه مجال الطاقه
النوويه "
و طبعا ده كلام كبير يحتاج لتمحيص و
تحليل منبثق من الرؤيه السيكولوجيه للنظريه
التوريثيه في دول العالم الثالث .
فلو بصينا للتصريح و محصناه كلمه كلمه
سنجد التالي :
1- ان--- حرف يدخل علي الجمله
الاسميه تنصب المبتدأ و ترفع الخبر ( العمليه
بدأت بنصب )
2- مصر --- ام الدنيا و جمهوريه
يحاولون تحويلها للملكيه بشتي الطرق
3- سوف – ان شاء الله ... ربنا
يديكوا طولت العمر
4- تدخل --- فعل مضارع يفيد الدخول ,
و الدخول يلزمه استئذان و الاستئذان من ماما
امريكا و ماما امريكا هتوافق علشان خاطر
مصلحتها و مصلحتها تظبيط الاوضاع في مصر (
راجع رقم 2 ) و المحافظه علي نظام الحكم
الموالي لها ( لانها مش ناقصه عوء )
5- بقوه ---- فزيائيا القوه تحتاج
لوزن , الوزن يساوي = الكتله * العجله , و بما
ان العجله من الشيطان و كل سنه و انتم طيبين
الشياطين متسلسه في رمضان فبالتالي مصر ستفقد
علي الاقل 2/1 القوه اللازمه لعمليه الدخول
طبقا لنظريه " سيب و انا اسيب " بتاعه اولي
ابتدائي
6- مجال الطاقه النوويه ---- هو مجال
فزيائي تطبيقي له شقين الشق الاول سلمي لانتاج
الطاقه و الكهرباء ( و ده لو كان عندنا منه
ايام الراحل جمال عبد الناصر و السادات وقفه و
مبارك جه كمل عليه و اجهضه تماما )
الشق الاخر حربي و هو انتج القنابل
النوويه الانشطاريه ( و ده بعيد عن شنبنا )
بعد التمحيص و التحليل يظل السؤال
معلقا
هل تستطيع مصر الدخول بقوه او بغير
قوه الي مجال الطاقه النوويه ؟؟؟؟ ....
الاجابه سهله و بسيطه
مبدئيا لما مصر تقدر تكفي نفسها من
القمح و متستوردش 60% من استهلاكها هيبقي
قرارها من دماغها و لن نحتاج للاستئذان من
امريكا او غيرها قبل الدخول ( هتذق الباب و
تدخل برجليها الاثنين )
طيب و ايه الحل
طبعا و بما اننا في رمضان , حيث يكثر
الياميش و البلح انصح كل من يريد دخول مجال
الطاقه النويه بجمع اكبر قدر من ( نوي ) البلح
لاستخدامه في تلك الطاقه المزعومه
ملحوظه
:-
سيتمك ذلك بعد القضاء علي سوسه النخيل اللي
دمرت النخل و البلح .
و كل عام و انتم بخير
نووي ايه اللي انتوا بتقولوا عليه
مجدي اسماعيل |
