|
التعليم في مصر احد اهم المشروعات الفاشلة
لاننا ببساطة نظل لمده تقارب الثمانية عشر عام
ندرس لنجد انفسنا بالنهاية قد قمنا بدراسة
شوية هرتله لا طائل من ورائها لانها مجرد حشو
فارغ 0وسوف يكون لي تحفظات عديدة علي نظم
التعليم الموجودة حاليا لكن ليس الان مكانها
لاني اود التحدث عن شيء واحد فقط0
بالطبع مع كافة التحفظات ؛الا ان خريجي
الجامعات ببلدنا من المفترض ان يكون لهم مكانة
مختلفة عن اصحاب المؤهلات المتوسطة- مع كل
التحفظ علي هذا الكلام- الا اننا من الممكن ان
تجد بمصرنا الغالية من هو صاحب مؤهل متوسط
يقوم بسب بل وسحل و ما هو اسوء من ذلك ايضا
لدكتور جامعي ولا يجرؤ الدكتور الجامعي علي
التحدث بحرف واحد؛والسؤال هو اين وكيف؟.000
والاجابة ببساطة هي في اي مكان وببساطة اكثر
لان صاحب المؤهل المتوسط هو الباشا00 (امين
الشرطة) تخيلوا ان مجرد سلطة غاشمة تعطي لفاشل
لم يستطيع الحصول علي مؤهل عالي تجعله –يطيح-
في خلق الله بدون رادع0طبعا ده لو دل علي شيء
فهو يدل علي مدي الهوان اللي وصله المواطن
المصري علي ايدي زبانية جهنم المدعون الداخلية
, زمان كانوا بيقولوا الشرطة في خدمة الشعب
,بعد كدة بقت الشرطة والشعب في خدمة
المجتمع,والحقيقة هي ان الشرطة والحكومة في
سرقة الشعب والمجتمع0اصبح هذا غير الامين
للشرطة مجرد سمسار لو انت متخانق مع حد وعايز
تديله درس ما عليك غير انك تحط ايدك في جيبك
وتخرج بالمعلوم ليصبح فلان في خبر كان .وانك
سواق ميكروباص وعايز تحمل زيادة او عايز تغير
اتجاه سيرك فما عليك غير انك تشتريلك كارت شحن
بمية جنية كدة ولا حاجة وتحطه في جيب الباشا
وكله اخر حلاوة (وربنا ينتقم من الاتنين) ما
تتخيلوش مدي الصدمة الي حسيت بيها لما حطيت
نفسي في مكان ممكن واحد من غير الامناء دول
يكلمني فيه بشكل غير لائق؛يا تري اسكت وامري
الي الله, والا افكره اني اعلي منه في التعليم
والمفروض ان يتكلم معايا بشكل لائق 0
لكن في النهاية احب اقول ان التباغض والكراهية
اللي احنا فيها في المجتمع هو بسبب حكومة
البوليس ورئيس يتخيل ان الداخلية محور حياته
وهو لايعرف ان الضربة القادمة لن تكون الا من
الداخلية 0وسلااااااااااااااام حار للشرطة
بحرارة الشمس عسي انها تلسعهم وتفكرهم ان ربنا
موجود0
رشا غـــــــــازي
|
