|
اختبر ذكائك
_طلعلك العفريت اللى بيطلع من المصباح السحرى وسألك تطلب اية "
يامصطفى"..تفتكر تطلب منة اية (يجيبلك إزازة زيت – والا
10بيضات _ والا 5 أرغفة من غير بهدلة )
_اتعرضت فى عز الضهر لسطو مسلح تعمل ايه (تدفع اللى معاك
للحرامية وتنفد بجلدك _ولا تستخسر تدفعهم للحرامية وتدفعهم فى
القسم تعمل بيهم محضر _ولا تهدد الحرامية انك مش هتسكت وحتبلغ
عنهم الشرطة وتسيبهم يفطسوا من الضحك عليك )
_راجع لبيتك من عملك وفجأة لقيت فى طريقك الى بيتك كشك يصعب
معه مرورك لمنزلك ..تعمل ايه (نفق تحت الكشك تمر منه _كبرى
مشاة من فوق الكشك _تستسمح صاحب الكشك يأذن لك بالقفز من فوق
الكشك )
_ زاد مرتبك فى العمل 30% تدفع ال 30% دول فى (المواصلات
_الكهرباء والتليفونات _الملح والزيت والشاى والسكر والعيش
والجبن )
_نزلت السوق ومعاك 100 جنية وحتجيب للمدام زى ما قالت ..جبت
الخضار ومعرفتش تجيب حاجة تانية تعمل ايه..(تولع فى نفسك _تبلع
قرصين ناموس _مترجعش للمدام تانى )
_صحيت من النوم لقيت نفسك فى التشكيل الوزارى الجديد تعمل ايه
..تُفضل (تتكلم عن انجازاتك قبل ما تقعد على مكتبك _ولا بعد ما
تقعد على مكتبك _ولا تتكلم عن انجازاتك بعد ما تسيب مكتبك )
_حلمت انك بقيت رئيس دولة تعمل ايه فى الحلم ..(تكبر دماغك
وتقول ياعم _تحاول الحصول على جنسية امريكية _تجيب حبييباك
وصحابك وتشيلهم الشيلة وانت تروح تصييف ..ههههههههههههه)
|
