--------------

 

مش عارف ابدأ كلامى ازاى... ولكن هذا هو ماعليه حالنا نعلم ولكن نجبر عقولنا ونخدعها ونقول لها اننا لا نعلم .. اوجاااااع -ألااااام- امراااض- اعتقالات- فساااد- رشاوى استبداد- محسوبيه- شعب مهمش - دستور ملفق ومرتب لواحد فقط لكى يستطيع ان يجلس على كرسي الحكم"خصوصا الماده 76"- جيل ضايع .....الخ بجد حرام علينا وعليهم اللى بنعمله فى نفسنا واللى بيعملوه فينا وزى ماقال حبيبى وحبيبك وحبيبنا كلنا سيدنا محمد"صلى الله عليه وسلم" حينما قال في الحديث الشريف: " إذا عظمت أمتي الدينار والدرهم، نزع الله منها هيبة الإسلام " وده ياجماعه تقريبا بقى حالنا مش هقول كلنا عشان زى ما احنا عارفين "ان لكل قاعده شواذ" وكمان فيه حكمه بتقولك "الخائفون لا يصنعون الحرية والمترددون لن تقوى أيديهم المرتعشة على البناء" احنا فين ياجماعه .. انا مبقتش عارف ليه بقى يحصل فينا كده .. .. بس عموما كان فيه نكته خفيفه... يعنى حاجه كده اتقل من الفيل على القلب.. بتقول.. "بابا محسن كان داخل على الانتخابات وقال لرئيس الوزراء انا عاوز اعمل حاجه للشعب ده قالو خلاص احنا نغلى الاسعار وتيجى انت تروح منزل الاسعار تانى قام علطول مغلى الاسعار ملقاش حد من الشعب بيشتكى ولا بيتكلم فا كلم رئيس الوزراء قالو ايه اللى حصل قالو محدش اتكلم سيادتك وشكل الاسعار عجباهم قالو طب اعمل اي حاجه قالو خلاص نزودلهم الضرايب قام مزود الضرايب برضه ملقاش اى حد بيتكلم ولا حيات لمن تنادى قالو يبقى هو مفيش حل غير اننا نوقف عند كوبرى قصر النيل واى حد ماشى او راكب من على الكوبرى يدفع عشره جنيه عملو الحوار ده والشعب عادى دفع العشره جنيه ومفيش حد اتكلم ولا علق على اى حاجه قال خلاص خليه يدفع العشره جنيه من اول الكوبرى وفى اخره برضه محدش اتحرك قامرئيس الوزراءطلع بفكره شيطانيه قالو احنا نخليهم يدفعو الفلوس ونضربهم على قفاهم وحصل ونزل الريس متخفى يشوف الاوضاع وفى اثناء ماهو ماشى لاقى واحد عمال يزعق ومضايق وعمال ينفخ قام بابا قال بس هو ده فاراح لعنده وقاله انت مضايق ليه عشان الفلوس ولا القفا قاله انا مش مضايق لا من الفلوس ولا من القفا انا بس عاوزهم يزودو عدد الناس اللى بتضرب بالقفا عشان نمشى بسرعه " هذا هو ما اصبح عليه حالنا الاسعار تزيد وايه يعنى مفيش مشاكل الضرايب تتضاعف عادى يا اكسلانس ما الدول المتقدمه بتدفع ضرايب امال انت عاوز تعيش سفلئه الجمارك تبقى على بعض المنتجات 200% وايه يعنى اسعار الاشياء الضروريه من زيوت وبقوليات وارز وسكر ومكرونه .....الخ ( لحسن ايدى ابتدت تتعب) لما تلاقى ان المغنيين تتفرش لهم الارض بالورود والعلماء(مش بقصد الدينين بس ) تلاقيهم بينضربو بالقباقيب (اسم الشبب بتاع زمان اللى هو عباره عن حته خشبه وعليها حته جلده سوده حاجه كده من اللى تتعب القلب قبل الرجل)....(أخوكم محمد)